انا والحياة

اولا السلام عليكم ورحمة الله

سار لى وقت طويل متابعه موقع مشاكل وحلول وبقراء كل مشكله جديده لعل وعسي اجد مشكله شبه مشكلتى كى استفيد من ردودكم ولكنى للاسف لم اجد اى مشكله او محنه تشبه محنتى_انا سيده عمرى 28 عام متزوجه من رجل مرموق عن قصة حب وهميه جدا بس للاسف لم اعى انها وهميه الا بعد فوات الاوان بكتير_عندى ولد وبنت ربنا يخليهم_مش عاوزه اطول عليكم لكنى والله ما عارفه ابداء منين_زوجى بعد الجواز اتغير جدا جدا بقه حد تانى خالص مع انى عاديت الدنيا عشانو لان اهلى مكانوش موافقين عليه خالص وانا صممت اتجوزو اصلو كان سبق له الزواج من اخرى وكان مطلق_المهم بعد جوازى منه فى ولادتى الاولى كانت اختى قعده معايا عشان تشوف طلباتى_وفيوم قومت من النوم متاخر وكنت داخله الحمام لقيت اختى وجوزى قاعدين سهرانين مع بعض على الكمبيوتر بحجه انه بيوريها حاجات _ولما شافونى صحيت اتغير وشهم جدا وارتبكو_بس انا وقتها استعذت بالله من الشيطان الرجيم_وحتى دخلت كملت نومى وسلمت امرى لله_بعد الحادثه دى بفتره اختى اطلقت من جوزها واخدت شقه لوحدها وعاشت فيها هى وولادها_واللى ربنا قدرنى عليه عملتو معاها وربنا يعلم اد ايه ساعدتها حتى على حساب نفسي_وكانت بتيجى تقعد معايا بحجة ان ولادها زهقانين وعاوزين ونس وكنت فتحه ليها بيتى على مصرعيه_لحد ما فيوم خرجت من البيت اشترى طلبات وكان جوزى فالشغل رجعت جيت افتح الباب بالمفتاح لقيت الباب مقفول بالترباس من جوه رنيت الجرس لقيت جوزى ال بيفتحلى بيقول انه نسي ورق ورجع ياخدو_سئلتو كنت قافل الباب ليه فضل يرغى بكلام غير مفهوم طبعا ولا حجه منهم دخلت دماغى_وهنا بس قررت اراقبهم_فنفس اليوم دخلت نمت انا وولادى بدرى شويه وسبتهم قاعدين سهرانين ومعاهم ولادها_قومت بس ساعه على صوتها بتضرب ولادها عشان ينامو مع ان دى مش عوايدها ابدا_دخلت اختى تطمن انى نايمه وخرجت من اوضتى_سبتها وقت قصير وخرجت بعدها عشان اشوف المنظر اللى يرعب قلب اى زوجه فالعالم_اختى وجوزى بيمارسو الرزيله مع بعض_معرفش جرالى ايه من المفاجئه_مقدرتش حتى اواجههم_تعبت جدا بعدها اهلى داخو بيا عالدكاتره كلهم اجمعو ان نفسيتى تعبانه وبس_ومقدرتش اقولهم ولا اقول لاى حد على ال شوفتو_وعدت الايام وكل ال قدرت اعملو حفاظا على بيتى عشان ولادى وبس والله_انى قطعت رجل اختى من البيت باى حجه كانت_وقا طعتها شخصيا_لقيت البيه زعلان انى قاطعتها لدرجة انه كان هيمد ايدو عليا ملقتش ادامى غير انى اواجهو بال شوفتو طبعا نكر جدا وضربنى وكان عاوز يطردنى من البيت مع العلم بانى ماليش بيت ممكن اروحو اهلى ناس على ادهم ووالدتى متوفيه_وعدت الايام من تانى لحد ما لقيت البيه اتغير معايا بشكل ملفت جدا حتى مبئاش يعاشرنى خالص_ولا يتغدا فالبيت ولا ياكل اصلا فالبيت_عقلى قالى اروح اشوفو عندها وارقبها وطاوعت نفسي وروحت ومن اول مره روحت لقيت عربيه البيه تحت بيتها ومنزلش من عندها الا بعد ست ساعات_المره دى تعبت جدا لدرجة انى جاتلى جلطه فالمخ وظليت اتعالج منها فتره طويله ولما بدات اقوم من رقضتى واجهتو تانى وكان ردو_اه بيحصل وال عندك اعمليه_طب اعمل ايه وانا ماليش مكان اروحو ولا بعرف اشتغل_ولا بعرف اصلا اخرج من البيت_وعاوزه اعرف ليه هو وهى عملو كده_انا معنلتش لحد فيهم حاجه وحشه وربنا يعلم_هو اكبر منى بكتير وانا اجمل من اختى بكتير واصغر كمان_طب لقا عندها ايه انا معملتوش_طب اطلق؟؟ ولادى دول اروح بيهم فين؟؟ صونتو ومصانيش_سترتها وفضحتنى_انا خايفه فيوم يتفقو عليا هما الاتنين زى ما بسمع فالاخبار ويقتلونى عشان يعرفو يتجوزو_انا تعبانه اوى ومخنوقه الى ابعد الحدود دلونى من فضلكم اعمل ايه؟؟مع العلم بان اختى عرفت بكل ال حصل بينى وبينو ولا كانها سمعت حاجه خالص زى ماتكون بتنتقم منى_والله ماعملت ليها حاجه ولا هو كمان_مقصرتش والله ما قصرت_اعمل ايه بالله عليكم
----------------------------------------------------------------------
بسم الله الرحمن الرحيم
.وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ
ان ما انتى فيه انما هو ابتلاء والابتلاء سنة ماضية فى خلق الله كل بنى ادم مبتلى
خوفك هذا يا سيدتى من ان يقتلوك له مبررات ولاكن اعلمى ان كل شئ فى الكون بيد الله
ولو اجتمعت الامة على ان ينفعوك بشئ لن ينفعوك الا بشئ قد كتبه الله لكى
ولو اجتمعوا على ان يضروك بشئ لن يضروكى الا بشئ قد كتبه الله عليكى
يا سيدتى
انتى ليست من النوع الذى ترضى على نفسها هذا الوضع المهين بدليل مرضك وتعرضك لمشكلات نفسية
وموضوعالجلطة كادت ان تودى بحياتك
واعلمى ان هذا الامر لوكانت اختك ليست اختك وكانت حد تانى كنت اقلك قولي له ان انتى موافقة على انه يتزوجها ولاكن لا يحل له ذلك فانتى العقبة وتقولين انه اصبح لا يعاشرك بمعنى ادق قدسئم من الحياه معكى وبذلك انتى فى ضرر مضاعف لا انتى متزوجة ولا انتى مطلقة واصبحتى تخافين من المستقبل ومن مخططات ضدك
فلما هذا العذاب امساك بمعروفا او تسريح باحسان
نعم لابد لكى من ان تطلقى من هذا الذى لم يرعى فيكى حق الله ولم يرعى ان ان الله حرم الجمع بين الاختين فى الحلال فما بالنا بالحرام وقد ترككى تتجرعين مرارة الايام والمرض دون ان يعى ان لكى ادنى حق وقال لكى _اه بيحصل وال عندك اعمليه ناقص ايه تانى انك تفاجئى ان اولادك يعلمون ذلك ولا انك تنامى وخايفة انك ماتصحيش تانى اليس هذا هو احساسك فاين الامان الاسرى او الراحة النفسية التى تعيشينها مع هذا الرجل التى بالطبع ستنعكس على اولادك فانتى الان تخافى على اولادك ومستقبلهم واقول لكى ان الله الملك الذى بيده خزائن السموات والارض يجيب المضطر اذا دعاه
فالجأى الى المولى الملك الذى يعلم السر واخفى وصلى ركعتين فى جوف الليل لعل الله يجعل لكى من امرك يسرا ولا تخافى على المستقبل فان المستقبل بيدالله واعلمى ان مكر الله اشد من مكرهم وانه يجيب الداعى فلا تبخلى على نفسك بالوقوف بين يديه
وانت كما تقولين على قدر من الجمال وعمرك28 عام اى انكى لست كبيرة السن فان من سنك من لم يصبها الدور حتى الان ولعل الايام تعوضك مرارة ماانتى فيه
ولعل هذا عقاب على عدم الرضا برأى الابوين
واكثرى من قول لا حول ولاقوة الابالله
وحسبى الله ونعم الوكيل