الأكثر مشاهدة
-
الإكتئاب والاحباط مقدمة - تعتبر مشاعر الحزن من الأحاسيس العادية التي يعاني منها كل شخص لدرجة...
-
شاهبندر التجار يكشف أسرار نجاحه محمود العربي .. الملياردير الذي بدأ حياته بـ40 قرشاً ! الثلاثاء، 23 ديسمبر 2008...
-
اولا السلام عليكم ورحمة الله سار لى وقت طويل متابعه موقع مشاكل وحلول وبقراء كل مشكله جديده لعل وعسي اجد مشكله شبه مشكلتى كى استفيد من ردودك...
-
متزوجة واحب رجل اخر لا اظن بأن مشكلتي لها حل ولكن اتمنى ان اسمع رأيكم . متزوجة واحب رجل اخر وقد بدأت المشكلة منذ زواجي الذي كان برغبة ا...
-
السلام عليكم ورحمة الله وبركاته اللهم صل على محمد وعلى آله وصحبه أجمعين الأسرة السعيدة.. هي تلك الأسرة.. التي تتفق منذ البداية على ...
-
كيف يصبح العرب عباقرة؟ الثلاثاء، 23 ديسمبر 2008 - 16:12 الكاتب هشام العوضي ...
-
العلاج النفسى الذاتى يعانى الكثيرون في عصرنا الحالي من القلق النفسي والتوتر وعدم القدرة على التوافق النفسي والاجتماعي . ومن المل...
-
نصائح للزوجة العصبية وبعض اساليب معاملة الزوج الاستفزازي . بقلم أ.د. أمل المخزومي Prof. Dr. Amal Al-Makhzoumi تشتكي بعض الزوجات من ...
-
العلاج النفسي Psychotherapy قد يتخذ العلاج النفسي عدة أشكال مختلفة. فيقوم التحليل النفسي على فكرة أن الصدمات النفسية (وعادة ما تتضمن الإ...
-
كل منا يحب أن يقال عنه أن شخصيته قوية.. ولكن ما هو المعنى الحقيقي لقوة الشخصية ؟ · البعض يعتبر قوة الشخصية بأنها القدرة على السيطرة ...
translation
حبابى انى اعيش وحيده مع انى كنت فى مكان ومع زوج رائع وابناء الله يبارك فيهم المشكله انى من اسره فقيره المهم ابى كان بيعمل فى مصنع وانا ذهبت اشتغل مع الكليه فى المصنع وكان صاحب المصنع راجل طيب جدا ومحترم ومتدين المهم ابنه مهندس بيشتغل فى منصب عالى بالاضافه لعمله فى المصنع وانا اشتغلت معاهم فى المصنع ولقتهم بيعاملونى زى بنتهم وفى يوم اتفاجئت ان المهندس ابن صاحب المصنع يكلمنى بعد العمل عندهم بست شهور ويطلب ان يتقدم لى فى الحقيقه انا لم اكن احبه ولكن كان بالنسبه لاى بنت فرصه وخاصه ان ابى كان تعب من العمل وقلت له انا موافقه وبالفعل تقدم لى وخطبنىواثنناء الخطوبه قلتله كلمه كانت سبب جحيم حياتى بعد كده قلتله لو انا فكرت واحنا متجوزين ان احنا نسيب بعض انت ممكن توافق قالى لو انتى مش عايزه الحياه تستمر مع بعض خلاص انا اسيبك انا مش هعيشك معايا بالعافيه بل بالعكس هاحترمك وده افضل من انك تفكرى فى غيرى وانتى معايا انا فرحت بيه وبراجحة عقله وتم جوازنا وبصراحه والشهاده لله ماخلنيش عايزه حاجه وكان دايما بيتفنن فى سعادتى وربنا رزقنا بوالدين جمال وعشت معاه فى مستوى لم اكن احلم بيه – لكن كنت دايما حاسه ان فيه حاجه نقصانى حاسه ان الى انا عايشه معاه ومش سعيده لحد ماكنا فى فسحه فى النادى وانا جالسه وجدت شاب جميل جدا ووجدت نفسى تميل اليه وحاولت امنع نفسى لكن ماقدرتش وتكرر ان الشاب يتقرب منى واخد رقم تليفونى وكنت اتكلم معه فى الوقت الى زوجى مش موجود لكن قلتله انا مش هاقدر اخون زوجى قالى انا بحبك وعايز اتجوزك قلتله ازاى انا عندى اولاد وتكررت كلامته لحد ماكنا نقابل بعض كل يوم وهو حاول معايا انى اروح معاه شقه لكنى رفضت ووجدت نفسى لم اعد اقدر ان استغنى عنه واتفقت انا وهو على ان اكلم زوجى فى موضوع الطلاق وبعد ان عدت الى فيلاتى واعددت العشاء لزوجى وكان من عادته ان يعرف مادا اريد من دون ان اتكلم وجلس معى يتحدث فذكرته بوعده انى اذا لم اتحمل العيشه معاه سوف يطلقنى وبعد ان قلت له العباره دى وجدته صامت لا يتكلم فقلتله انت ساكت ليه احنا مش اتفقنا قالى الموضوع هدا كبير واحنا معانا اولااد حاولى تفكرى كويس وانا هسيبك شهر ولا حاجه تراجعى نفسك فيه قلتله لا يوم واحد قالى يعنى جياتى معاكى ماتستحقش شهر تفكير انا صممت وقلتله انت هتنسى وعدك قال لا لكن احناا عندنا اولاد وانا بحبك وماهنتكيش ابدا حاولى تفكرى عشان الاولاد وسبنى انا اخدت شنطتى وسبت البيت ورحت عند اهلى بعد اسبوع حضر وقعد يتكلم معايا لكن انا كان قلبى حجر واقوله انت نسيت وعدك قال لا انا مانسيتش وعدى وانا مش هاعيشك معايا بالعافيه بس المشكله ان فيه اولاد قلتله اتجوز قالى ازى بس طيب فيه حد تانى قالتله انا عايزه اتطلق الى طيب لو فيه حد تانى ارجوكى انه يكون انسان كويس عشان اولادك حتى وانا هاطلقكك وفعلا ارسل لى ورقة الطلاق وتزوجت مباشره بالشخص الدى تعرفت عليه لكن انا ماكنتش اتصور انه انسان قذر للدرجه دى زوجى ترك لى كل شىء من مجوهرات وملابس وماخدش حاجه منى اما الشاب ده كان لايعمل ولايعرف اى حاجه الا التفاهه وخلص على الفلوس الى معايا وقلتله لازم تشتغل فجاه وجدته بيضرب فيا وبيهنى ويجبرنى على العمل لكى احضر فلوس وكان زوجى السابق بيساعد اهلى بفلوس شهريه لاعانة ابى وزواج اخوتى بل ان اخوتى كلهم كانوا يعملوا فى المصنع عنده ومع كل الى حصل ماطردهمش بل سبهم وماقطعش المعونه الى بيرسلها لهم وكأن ماحصلش اى حاجه بل تكلف بعمليه جراحيه لابى رحمه الله تجاوزت 100 الف جنيه بعد طلاقى منه زوجى الاول فعلا ابن ناس وطيب ويساعد الفقراء وطلاب الجامعه وكان بيعمل مصاريف شهريه لطلاب الجامعه الفقراء انا ما اكتشفتش كل الى بيعمله ده الا بعد طلاقى كان بيساعد اهلى واخوتى وانا لم اعرف ومقاليش على اى حاجه من دي – ولما كرهت العيشه مع زوجى التانى ومعتش مستحمله اعيش معاه طلبت الطلاق منه رفض الا ادا دفعتله فلوس وبالفعل دبرت ليه مبلغ بعد تعب حتى وافق على الطلاق وطردنى من شقته ولما رحت لاهلى ااهانونى وقالولى انتى الى عملتى فى نفسك كده ولان المكان ضيق ما استحملتش اعيش مش عارفه انام من الزحمة الى عايشين فيها وطبعا عشان اعرف اعيش لازم اشتغل وبدات ابحث عن عمل وعرف زوجى انى ابحث عن عمل اخى اخبره بدلك فارسل لى امراه تعمل فى مصنعه وقالتلى انه مخصص مبلغ شهرى لكى لا اعمل وايضا شقه كى اعيش فيها لانه لايريد ان ام اولاده ان تعمل فى اعمال غير مناسبه لها واتفقت معى انه سوف يرسل اولاده لى كى يقضوا معى يوم كل اسسبوع ودلك لما طلبت ان اراهم وطلبت منى الا احضر الا الفيلا ابدا وادا اردتى رؤيت اولادك فى اى وقت هيرسلهم لكى – وبالفعل انتقلت الى الشقه الجديده ووجدته مجهزها باحسن جهاز وارسل لى خادمه تعمل لى كل شىء وايضا ارسل لى مبلغ من المال كل شهر وفعلا تكفل بى بعد ما كدت اضيع ولكن لم احس انى تركت النععمه التى كانت بيدى الا لما فقدته واتصلت عليه بالتليفون فقال لى كل طلاباتك مجابه لكن مش عايز اشوف وشك ابدا لحد ما اموت وقفل السكه عرفت وقتها انه مازال يحبنى اتكلمت مع سيده معرفة زوجى يقدرها لكى تتوسط لى عنده ان يرجعنى الى عصمته وبالفعل كلمته وعندما اتصلت بها لكى اعرف رده قالتلى حراام عليكى جوزك بيحبك حب فوق الوصف لكن هو قالى انه مش هيقدر ياخد واحده اتعرت على حد تانى غيره ونامت فى حجره مع شخص اخر غيره حتى ولو فى الحلال عرفت انى جرحته جرح جامد وماكنتش عارفه انه بيحبنى كده اعمل ايه يا اخونى انا ندمت وعايزه ارجعله ولو خدامه عنده اعمل ايه عشان انسيه الجرح الى انا جرحتهوله دلونى يا اهل الخير
---------------------------------------------------------------------------------------------
ولكاتبة هذه الرسالة أقول:
ان ما حدث مع زوجك يا سيدتى ليس جرحا وانما طعنا هذا الطعن لم يجعل من هذاالرجل ((انانيا)) وانما
اذداد معكى نبلا ووفاء واخلاصا وعطاء بلا مقابل وهؤلاء هم الرجال النبلاء .
فزوجك هذا تعففت نفسه فيك _رغم حبه لكى _من ان يأكل من الطعام الذى يشتهيه بعد ان ولغ فية الكلب
وهذا ليس عيبا وانما هكذا طبيعة الاسود.
والاولى لكى ان تتركيه يبحث عن زوجة مخلصة لتمضى معه باقى العمر ولا تتركه فى منتصف الطريق
ودعيه وشانه لانى اخشى من ان يتحول نبله وصبره معكى الى شيئ اخر والسلام.
---------------------------------------------------------------------------------------------
ولكاتبة هذه الرسالة أقول:
ان ما حدث مع زوجك يا سيدتى ليس جرحا وانما طعنا هذا الطعن لم يجعل من هذاالرجل ((انانيا)) وانما
اذداد معكى نبلا ووفاء واخلاصا وعطاء بلا مقابل وهؤلاء هم الرجال النبلاء .
فزوجك هذا تعففت نفسه فيك _رغم حبه لكى _من ان يأكل من الطعام الذى يشتهيه بعد ان ولغ فية الكلب
وهذا ليس عيبا وانما هكذا طبيعة الاسود.
والاولى لكى ان تتركيه يبحث عن زوجة مخلصة لتمضى معه باقى العمر ولا تتركه فى منتصف الطريق
ودعيه وشانه لانى اخشى من ان يتحول نبله وصبره معكى الى شيئ اخر والسلام.
اذا اعجبتك هذه التدوينة فلا تنسى ان تشاركها وتساعدنا على نشر المدونة ، كما يسعدنا ان تنضم الى قائمة المشاركين في سما بلوجر من خلال
(نشرات rss)11111
سجل الزوار
زوارنا
1 التعليقات:
ولاتحسبن الله غافل عمايعملالظالمون فجاءهوبدون مقدمات اكتشفتيانك عندكضمير وقلب مفكرتيش فيكل ده من الاول ليه مفكرتيش في ولادك مفكرتيش انو عملك ست وشخص وخلاكي حاجه بعد ما كنتي ولا حاجه هوخير يعمل فيكي وانتي شر يلاقي منك
إرسال تعليق