الأكثر مشاهدة
-
ضحايا الوهم د. عائض القرني لا شك أن الحسدَ حقيقةٌ لا مناصَ منها، وقد أثبت ذلك القرآن والسنة وتدخل فيه العين، والعين حق، لكن المش...
-
بسم الله الرحمن الرحيم مقدمة المؤلف قال الشيخ الإمام العالم العامل حجة الإسلام أبو حامد محمد بن محمد الغزالى الطوسى رحم الله وعفا عنه: ال...
-
في تفريج الكروب إعداد أ.د. فالح بن محمد بن فالح الصغير الأستاذ بجامعة الإمام محمد بن سعود الإسلامية بسم الله الرحمن الرحيم المقدمة ال...
-
100 فكرة لتربية الأسرة عبداللطيف بن هاجس الغامدي .................................... المقدمة الحمد لله الهادي، من عليه اتكالي واعتمادي...
-
اولا السلام عليكم ورحمة الله سار لى وقت طويل متابعه موقع مشاكل وحلول وبقراء كل مشكله جديده لعل وعسي اجد مشكله شبه مشكلتى كى استفيد من ردودك...
-
الإكتئاب والاحباط مقدمة - تعتبر مشاعر الحزن من الأحاسيس العادية التي يعاني منها كل شخص لدرجة...
-
شاهبندر التجار يكشف أسرار نجاحه محمود العربي .. الملياردير الذي بدأ حياته بـ40 قرشاً ! الثلاثاء، 23 ديسمبر 2008...
-
العلاج النفسى الذاتى يعانى الكثيرون في عصرنا الحالي من القلق النفسي والتوتر وعدم القدرة على التوافق النفسي والاجتماعي . ومن المل...
-
إيقاع الحياة المتسارع يضعنا تحت عجلة الضغوط المتزامنة أستيقظ من نومي، ألهث في دروب الحياة.. اجتماعات، أوراق، مكالمات، مشاكل، فوضى، ...
-
انشغل الإنسان من قديم الأزل بمحاولات فهم ذاته ومعرفة صفات وسمات شخصيته , وهل هي سوية أم مضطربة ومريضة ؟ وكيف يتحكم فيها ويعدل...
translation
مشكلتى هيا انى اتجوزت من اكتر من 4 سنين لكن اكتشفت بعد الزواج ان جوزي خبي عليا بعض الامور اكتشفتها بالصدفه زي انه مريض سكر وانه كان عامل عمليه وهو طفل (الخصيه المعلقه) اثرت في الخلفه المهم انى رضيت بالامر الواقع عشان بحبه وهو طيب جدا معايا وحنين برغم ان الموضوع ده ضايقنى جداا رحنا لدكاتره كتير عشان الخلفه وجرب عمليه وادويه وهرمونات بس للاسف مجبتشي اي نتيجه الحمد لله على كل شيئ انا نفسي ربنا يرزقنى بطفل ومش عارفه اعمل ايه اكمل معاه ولا لا هل يستحق انى اضحي بموضوع الخلفه دي عشانه انا بالنسبه ليا يتيمه الاب والام وبتمنى ربنا يعوضنى عنهم بذريه صالحه وزوجي طيب معايا لكن مكنشي صريح معايا من الاول وهو ضعيف الشخصيه قدام اهله وخصوصا والده مادي جداا وطمعان في ابنه مع انه مش محتاج خالص والله وبيشجع ابنه انه يعرف واحده عليا وانا لسه على ذمته عشان لو طلبت الطلاق يبقي في واحده ستبن زي ما بيقوله شخص غريب جدا المهم ان جوزي دايما بيسمع للى حوليه وقراره مش من دماغه ………. يا ريت يا جماعه تنصحونى اكمل ولا لا معاه انا في فتره تفكير دلوقتى وقاعده بعيد عنه جزاكم كل خير
السلام عليكم ورحمة الله وبركاته أنا فتاة أحببت صديقة لي منذ 10سنوات وهي كذلك بادلتني نس المشاعر إلى أن وصلنا لمرحلة الماجستير هي من محبتها لي كانت قلقة علي بشكل كبير هذا الخوف وعدم تقديرها لظروف بيتي سبب مشاكل، هذا الكلام منذ سنتين ومع كل المشاكل كنا كل يوم نتكلم إلا أنني وقت صرت أشتغل بجد برسالتي وصار وقت المناقشة تغيرت هي كثيراً كانت تقول أنها لا تستطيع مساعدتي مع أننا بنفس الاختصاص وكنت بحاجة لها كثيراً وقبل المناقشة بأسبوع تحدثنا فقلت لها بأنها لم تكن معي في محنتي وللأسف من وقتها تحولت إلى شخص آخر من إنساس وديع إلى وحش كاسر أعتذرت لها على كلامي بعدم إحساسي بمساعدتها ولكنها للأسف كلما تقربت منها ابتعدت والآن لي على هذه الحالة 6أشهر وسوف اصدقكم القول بأنني مشتاقة لها كثيراً ، وكما كلمتها كان صوتها جاف وتبين لي أنها تود أن تلغي المكالمة أرجوكم ساعدوني ماذا أفعل هذه ضريبة الحب
حنا تلاتة اصحاب بنحب بعض اوى ومتمسكين ببعض جدا بس الغيرة دايما بينا يعنى اصحابى مش عايزينى اصاحب غيرهم وبيغيروا برده على بعض اوى وانا كمان بغير عليهم بس مش غيره عميا يعنى عمرى مهقول لحد منهم انهم ميكلموش ديه او ميصحبوش ديه لأنى مقتنعة جدا ان لو واحده منهم اختارت غيرى تكون صاحبتها هتمنالها كل خير على الرغم من انه هيبقى صعب الا انه مش مستحيل ابدا،والمشكلة الاساسية هى ان واحده من اصحابى دول صاحبت بنت تانية انا معرفهاش ولكن صاحبتنا التالتة تعرفها والله انا حتى الان مش عارفة هى صاحبه ليها ولا زميله ولا ايه بس كل اللى اعرفه ان هى بتكلمها كتير واحيانا بحس انها بتقول انها بتكلمها كتير وبتحبها قوى علشان تخلينى اغير عليها بس انا كنت مش بغير جايز علشان حسيت ان كلامها ده مبالغ فيه اوى وبعدين صاحبتى ديه قالتلى انها زعلانه اوى لان مامتها مش راضية تخليها تروح عند البنت ديه فى البيت لان مامتها تعرفنى وتعرف صاحبتنا التالتة لكن متعرفش البنت ديه كويس وصاحبتى ديه قررت انها تكدب على مامتها وتقولها انها رايحة تشترى شوية حاجات مع صاحبتنا التالتة وقالتلنا اننا منتصلش بيها فى البيت اليوم ده علشان مامتها متعرفش انها رايحة للبنت ديه فى البيت وعلى الرغم من انى متأكده من اخلاق صاحبتى جدا وانها فعلا انسانه محترمة وانها عمرها مهتختار بنت مش كويسة يعنى اكيد صاحبتها ديه كويسة زيها الا انى حاسة بالذنب جدا ومتضايقة اوى وكان نفسى ان طول مااحنا اصحاب محدش مننا يكدب على البيت ابدا وعشان كده كلمت صاحبتى وقلتلها ان الحكاية ديه بجد هيبقى فيها زعل بينا وقلتلها مترحش عندها غير لما مامتها توافق وهى افتكرت ان ده من باب الغيره عليها وقلتلها تانى ان طول ما احنا اصحاب محدش فينا يكدب على البيت لكن هى قالتلى ان بجد زعلى يفرق معاها كتير بس قالتلى برده انها هتروح انا بجد مش عارفة اعمل ايه وهى عيد ميلادها بعد كام يوم والمفروض انى اروحلها انا عايزة اعرف انا صح ولا غلط ولا مكبرة الموضوع وهو ميستاهلش وكمان عايزاكم تقولولى أخلى الموقف ده يأثرعلينا ولا لأ مع العلم انها بنت مؤدبة جدا ومحترمة اوى أرجو انكم تردوا عليا ..وبجد اسفة انى طولت عليكم
انا ست مغتربة في فرنسا عمري 35 سنه و مطلقه بثلا ث اولاد اتعرفت على واحد بالنت اصغر مني 10 سنين و عازب وعايش في مصر ,حبني و حب اولادي و رحت مصر وقدمني لاهله و عايز يعمل اي حاجه عشان يرضيني و يريحني,بس انا خايفه من تجربة الزواج تاني اصلي شفت الويل مع السابق,
انا حبيت الانسان ده و بحلم اعيش معاه حياه هاديه و جميله,بس متردده و نفس الوقت مش عيزاه يضيع مني.اعمل ايه؟
فكرت في صلاة الاستخارة.
السلام عليكم …انا اول مرة اشترك في هذا الموقع وكنت مترددة بس اتمنى ان القى الحل باذن الله ….فانا احببت شخص من 9 سنين وهو بادلني نفس الشعور بس حدثت مشاكل كبيرة بسبب الغيرة والشك وبسبب فارق العمر فهو اصغر مني 4 سنوات وانا مطلقة وهو شاب وبسبب ظروف المجتمع وانا الان اصبحت لااقدر انا اعيش بدونو وهو كذلك بس متردد من الزواج مني واريد حل لمشكلتي اريد ارتباط به وهو متررد خايف من ان تكرر نفس المشاكل بعد الزواج وتتطور ولااعرف هو يضحك علي او من جد خايف من ان يكون مستقبل فاشل بمعني زواج فاشل ….اريد حلا حته اقنعه بلزواج مني بطريقه ذكيه… وشكرا لكم
انا فتاة ابلغ من العمر 25 سنة تزوجت منذ 3سنوات من شاب اقل ما اقوله عنه انى لم اعرف الكره الا لما عرفته فانى الان اكرهه هو واهله بشدة .تزوجته زواج تقليدى وبصراحة مكانش فارق معايا هذا النوع من الزواج المهم انه يكون عريس مناسب وارتاحله واكيد بعد كده هاحبه وتزوجنا وابتدت المشاكل من اول يوم وصمم اهله على اخذى الدكتورة من تانى يوم وقامت الدكتوربفض غشاء البكارة بدون بنج امامه هو ووالدته وخالته ووالدتى التى حزنت على كثيرا ولكم ان تتخيلوا حجم الامى فى تلك اليلة سواء النفسية اوالعضوية المهم مر اول 3شهور من زواجنا دون حدوث حمل فصمم على اخذى للدكتورة التى تعجبت كثيرا من ذلك الاستعجال وقامت باعطاءى المنشطات لما رات فى عين زوجى من استعجال مع العلم انى كنت سليمة جدا وهو ايضا لكن برضه ربنا مااردش وذهبت الى العديد من الدكاترة الذين قامو باعطائى العديد من الهرمونات والمنشطات ولكن دون جدوى كما اننى قمت بعمل اشعة تبويض واشعة الصبغة التى كانت فى غاية الالم وكانت النتائج تؤكد انى سليمة جدا والله العظيم كنت بعامله هو واهله احسن معاملة وهم انفسهم يشهدون على ذلك وكان هو يعاملنى واهلى بجفاء شديد المهم انه بعد مرور عام اتفق هو ووالديه واخواته واعمامه وعماته وخالاته على انه يقرفنى فى عيشتى حتى اقوم انا بطلب الطلاق ومن ثم اتنازل عن كل شىء وبالتالى ميغرموش حاجه فى الجوازه الجديدة وفعلا حطوا عينهم على صاحبة لى وبدؤا فى التدبير ويشاء القدر ان احمل فى ذاك الوقت وفرحت انا المخدوعه كثيرا ولكنى اجهضت بعد3شهور وقد كان توقع الاطباء هذا الاجهاض وهثناء هذا الاجهاض رمانى عند والدى ولم يسال عنى وفعلا انفصلنا وخطب هذه الصاحبة انا حاسة انى ظلمت نفسى كتير واتخدعت من كل اللى حواليا مع العلم انى مصلية وبخاف الله جدا لكن يراودنى داءما فكرة الانتقام منهم جميعا اناكنت بعاملهم احسن معامله وحماى وحماتى كنت بعاملهم زى بابا وماما بجد والله مش كلام وربى اللى يعلم واخواته البنات كنت اعتبرهم اخوة لى كل الى سمع بقصتى ميصدقش ويحزنوا على كثيرا لانهم عارفين انى مستحقش كده وبحس بنظرات الشفقة فى عيونهم منالعذاب وحجم الام اللى شوفته كلهم بيقولوا كويس انى مخلفتش منه بجد انا معقدة من الرجال والزواج واهلى بيضغطوا عليا ويقولولى مش كل الناس وحشة قولوليلى اعمل ايه علشان انساهم وانسى فكرة الانتقام منهم مع العلم انه مر اكثر من عام
انا فتاة عندى 23 سنة مشكلتى بدات عندما دخلت الجامعة واعجب بيه شاب واحبنى ثم ارتبطنا واحببته جدا حتى اصبحنا مقربين جدا من بعض واستمر هذا الارتباط 5 سنوات ثم حدثت بيننا علاقة خاصة وبدات اكره نفسى واكره حياتى بسبب الموضوع ده ومكنتش قادرة انى ابعد عنه وكنت مستنياه اما يخلص دراسته علشان يتقدملى بس فى الاخر كرهت العلاقة الى بيننا او انى فهمت متاخر جدا ان ده مش حب لو كان بيحبنى فعلا مكنش طلب منى كده وحافظ عليه.وبدات انى ابعد عنه شويه واتقدملى عريس فى الفترة دى وحسيت انى مرتاحاله ووافقت عليه واتخطبت وبعدين الشاب الى كنت اعرفه ده بدا يهددنى انا واهلى انه هيعرف خطيبي كله حاجة وانه هيفضحنى قدامة بعد ما فضحنى قدام اهلى . المشكله دلوقتى ان انا حبيت خطيبي جدا وبقيت حاسة انى بخدعه على العلم انى خطيبي بيشتغل فة دولة عربية يعنى بعيد عنى وكان صعب ان الشاب ده يوصله بس للاسف قدر انه يعرف ايميله وبعتله رسايل على ايميله بس الحمد لله خطيبى مشفش حاجة وانا الى شفتهم لانى كان معايه الباسورد بتاعه . وانا دلوقتى مخنوقة جدا وندمانة جدا على اانا عملته فى نفسى وفى اهلى وانى رخصت نفسى مع واحد ميستاهلش وانه عايز يفضحنى بس انا توبت الحمد لله واستغفرت ربنا وبصلى دلوقتى ومش بسيب فرض .بس انا عايزة حل منكم اعمل ايه لان الولد ده بيهددنى بعلامات فى جسمى انه يقول لخطيبى عليها وانا مش عارفة اعمل ايه .وانا دلوقت معاية الباسورد يعنى ممكن ارد عليه على انى خطيبي واقوله انى عرفت كل حاجة ولا ايه انا مش عارفة وحاسة انى بخدع خطيبي ده جدا وانه ميستهلش كده منى بس انا بحبه جدا والله .حد يقولى وينصحنى اتصرف ازاى واعمل ايه يا ريت تردو عليه علشان انا تعبانة جدا وعايزة حد يساعدنى صح ارجوكم
السلام عليكم اولا انا مشكلتى غريبة شوية او انا ال مستغرباها انا عندى 21 سنة وحاسة انى نحس بجد وكنت بحب جارى ايام المراهقة وفضلت معاة 4 سنين وسافر قالى انو هيكون نفسو ويرجع ليا بس لما سافر كنت ابديت اكبر حسيت انة كان حب المراهقة مرضتش اظلمو بردو وفضلت معاة بس هو كان لسة بيعاملنى كأنى لسة طفلة ومش كبرت يعنى مكنتش بحس بقيمتى معاة او كأنى بنت المهم حصل مشاكل وسبتو بس مكنتش مجروحة ولا ندمانة بعدها بفترة عرفت واحد زميلى فى الكلية وحبينا بعض جدا ولما اتخرجنا كنا هنتخطب بس حصل مشاكل جامدة اوى بين اهلنا والموضوع باز وسبنا بعض بس دة الانسان الوحيد ال حبيتو بجد وقولت هشغل عقلى شوية وهسيبو لان الموضوع بايز بايز وهريح دماغى واى عريس يتقدم ليا هوافق علية وخلاص بدال اهلى هيوافقو علية واهو هيبقى اى عريس والسلام بدال الدنيا استكرت عليا حبيبى كلو هيبقى شبة بعضو وفى وقت جرحى دة رجع حبيبى الاولانى او ال كنت فاكرة نفسى انى بحبو وعرض عليا الزواج وانو يتقدملى ومش عارف ينسانى وكدة وكان بيضغط عليا جدا وافقت بحجة انى عاوزة انسى حبيبى وخلاص وبحجة انى كنت المفروض انى بحبو زمان هينسينى وكنت موجوعة اوى انى هتخطب لحد غير حبيبى دة ولما وافقت الدنيا خربت تانى وحصلو مشاكل وسافر وبصراحة انا مصدقت ان الموضوع باز ومش كمل وحمدت ربنا وبعدها حبيبى رجعلى وحاولنا تانى مع اهلنا وبردو الموضوع باز انا بجد كنت هتجنن قولت هسمع كلام الكبار وهشغل عقلى ولما يتقدم ليا حد هوافق علية وخلاص بس لما كان كل لما يتقدملى حد اقول انا هوافق وخلاص وهشوفو يمكن يكون نصيبى وكل لما الموضوع يجيى وحد يجيى يتقدملى تحصل مصيبة اقربها عريس اخوة قتل نفسو والتانى خلتو توفت والتالت ابن صاحب بابا بعد ماكان هيجى بعد مرة واحدة وراح خطب انا مش فاهمة فى اية ولية بيحصلى كدة والانسان الوحيد ال حبيتو كل لما نجى نتخطب تحصل مصايب وكل شوية نبعد ونرجع تانى وكل لما نرجع ونحاول مع اهلنا بيبقوا خلاص هيوافقو وكام يوم والموضوع يكمل تحصل مصيبة تانى وتالت والموضوع يخلص مع انى مش بتمنى حد غيرو ولما حد يتقدملى بقول يكمن خير هوافق وخلاص حاسة انى نحس بجد وا المفروض يكتب فى بطاقتى بعد اسمى نحس بجد مع انى الحمد لله جميلة وبيتقدملى كتير بس معرفش فى اية ممكن حد يقولى دة اسمو اية لانى زهقت وقررت انى هعيش على ذكرى حبيب عمرى دة ومش هتجوز ولما تتحل المشاكل وهو يعتمد على نفسو ويبعد عن اهلو وانا ابقى وحيدة لان مامتى متوفية واخوية الوحيد خلاص هيتجوز ومش فاضلى غير بابا ربنا يخلوهولى ولما ابقى وحيدة هبقى اتجوزو ولا اعمل اية بالضبط حد يقولى ممكن ؟؟؟؟؟؟؟؟؟؟ ودة ا نا نحس فعلا ولا دة اية بالضبط لان عقلى هيروح منى بجد
انا بنت عمري 17 سنة احب شاب عنده 19 سنة و هو يحبني ايضا عرض علي الخطبة في هاد الصيف و انا وافقت لكن قلت له بأن الوقت مازال مبكر لاني عندي مشاكل مع اهلي فهم لا يثقون بي انا اريد الخطبة منه و لكن هل هدا هو الوقت المناسب؟؟ و انا اعرف سيقولون بأن هادا اختياري ولكنني اخاف من كلام اخوالي و أعمامي لأنني أعرف انهم سيقولون مازلت صغيييرة مادا افعل ساعدوني فأنا لا اريد ان اضيع شاب احلامي مادا سأفعل؟؟؟؟؟؟؟؟؟
انا بنت عمرى 20سنه ونص ليا اختين من عمر وانا كنت ف تالته اعدادى كنت ديما بقف مع ماما واتعلم منها شغل البيت اتعلمت كل حاجه الاكل كله وتنظيف الشقه يعنى اصبحت ست بيت وانا عندى 14سنه شلت مسئوليه مش قدها لحد ما بقيت ف 3جامعه امى بقت تقول كل حاجه اعملى انتى اشتغلى انتى واما اجى اقولها خلى اخواتى يعملوا تقولى لا انتى الى تعملى ولو قولتلها اشمعنا تقولى انتى بتبوصى لخواتك اقولها زى ماهما ولادك انا بنتك تقولى لا انتى مش بنتى انا بكرهك ولو شدينا مع بعض شويه تقولى انا مخلفتش غير بنتين بس وتقعد تكرهم ف اخواتى وهما والله مش بيشيلوا طبق من مكانهم انا شايله مسئوليه 8 افراد وانا عندى 14سنه بس بجد انا مبقتش قادره استحمل لدرجه ببقى تعبانه وبموت من شده التعب امى تحكم عليا انى اقوم امسح العماره كلها لدرجه ان ف يوم صابح عليا امتحان ومذكرتش حكمت عليا امسح العماره قولتلها طب خلى اختى تمسح السلم تقولى اختك بتذاكر مع العلم ان اختى كان وراها امتحان بعد اسبوع ديما احط جوايا واعيط ديما تحسسنى انى اقل واحده فيهم لو بناكل تدى اخواتى ف بوقهم وانا لا تقولى اما تتجوزى مش عاوزه اشوف وشك تانى ولا تدخلى البيت ده تانى اخواتى بيحبوا يقعدوا معايا ويتكلموا معايا وهى اول مابتشفهم قاعدين معايا بتتغاظ وتقومهم وتقعد تدعى عليا ليل ونهار وتقولى احنا جايبينك هنا خدامه وبس وانا بحط جوايا واسكت ديما تدعى عليا بالسرطان وان ربنا مايرزقنيش باطفال اما اتجوز وتدعى عليا بان جوزى يخونى ويعرف واحده عليا انا كتير فكرت انى اسبلها البيت وامشى بس برجع واقول هروح فين واجى منين حتى قرايبى كل واحد ف حاله بيحب نفسه وبس حتى اخواتى بيعرفونى ويحبونى اما يحتاجوا منى حاجه وبس حتى ابويا ديما يدعى عليا بالشلل لدرجه انى فكرت انى مش بنتهم بجد بس الشبه كبير اوووى انا استحملت كتير ومش قادره استحمل تانى وانا مرتبطه بشاب اكبر منى بسنه فيه كل حاجه حلوه بس عيبه مش بيعرف يعبر عن احساسه لبنت بيعاملنى كانى ولد صحابه عشان هو بس اول مره يتعامل مع بنت هو بيحبنى وانا بحبه اكتر نفسى الاقى حد بيحبنى اكتر منا بحبه نفسى حد يشلنى جوا عنيه نفسى استريح حتى الحاجه الوحيده الى اختارتها بمزاجى تعبانى وديما مبكيانى معلش انا والله قصرت ف التفاصيل عشان ف حاجات اكتر من كده بكتير بس بجد انا تعبت ونفسى الاقى حل بجد يريحنى
انا شاب كنت مرتبط ببنت وبحبها جدا واهلى وقفو ضدى علشان كنت بعمل معاهم كل حاجه حلوه ما تستغربوش انا وقفت جنب اخواتى كتير جدا لكن الطمع والفلوس كل حاجه بالنسبه ليهم لدرجه ماكنوش عايزين يزوجونى البنت اللى بحبها علشان الفلوس لما اتزوج مش هيخدوه فلوس ووليه اخت اكبر منى زوجها توفى وربيت ابنها لحد اما كبر ووقفت جنبها لما اشترت بيت ووعدتنى بشقه وخلفت وعدها علشان الفلوس رغم ان انا كنت هديها حقها للمره الثانيه لانى شاركت معها بنسبه قليله من المال لكن الله يسمحها خلتنى اسيب البنت اللى بحبها علشان الشقه سبتها لمده 5سنوات ورجعتلها بعد ما اخواتى الكبار ادخلم فى الموضوع وصلحونى على اختى لكن اختى بتغير من مراتى جدا وصحيح مافيش حد بيحب حد احسن منه ليه مش عارف حتى اخويا اللى وقفت جنبه مش عايز منى الا الفلوس وبس ومراتى نصحتنى ان الفلوس احنا اولا بيها لكن ما سمعتش كلمها وقالتلى هيجى اليوم اللى هيبعوك فيه واليوم جه فعلا وكنت جايب لامى حلق فى يوم من الايام لكن امى اديته لاختى رغم انها مبسوطه وعندها بيت وطلبت الحلق علشان ظروفى لكن منعت وضحكت على امى وخذوها عندهم علشان ما اشوفهاش لانى اتخنقت معاهم علشان ليه اخ محامى الله يسامحه المفروض كان يصلح بينا لكن اختى اتكلمت على مراتى مع مراته واخويا قالها مراتى اضيقت جدا وقالتله على كل حاجه اختى قالتها عليه كلهم غلطه مراتى رغم ظروفى الوحشه ما حدش منهم ساعدنى لكن مراتى وقفت جنبى وباعت الدهب بتعها ربنا يخليها ليه يقوم اخويا عامل ايه المحامى المحترم قالى ان اخواتى ماكنوش عايزين يجوزونى لمراتى قلتله ليه قالولى علشان كانوا عايزين يخدوه منك فلوس علطول لاخر يوم فى عمرى قام اخويا المحامى راح لاختى وبيتصل بيه من عندهم ويقولى مافيش اخبار جديده علشان يوقعنى تانى وانا اتخاصمت معاهم كلهم كنت فاكر اخويا ده هيقف جنبى لكن راح واتصل بيه وفتح سبيكر وقلتله مش انت اللى قولتلى كده وبعنى ذيهم
أبي انسان متقلب المزاج بشكل مش طبيعي ..فجأة تشوفو بيضحك معااك وبأسلوب جمييل بعد خمس دقاايق يتحوول الى شيطان . دائما يضحك مع أعمامي وجدي وخوالي ومع كل الناس كأن شاب في الـ20 واذا أتينا الى تصرفاتة في المنزل لا أعلم ماذا اقول . فجأة يكون ريلاكس وبعد خمس دقايق يبدأ بتلفض بألفاض شوارع . واذا ماما ردت عليه يقول لها (( انتي لسانك طويل ووصخ وعايزلو قص )) وبعدين ماما بتسكت . ومرة من المرات دخل البيت وصرخ على ماما وضربها بدون سبب . لولا الله ثم انا وخواتي كان حيقتلها . ابي كان حنون طيب القلب لاأعلم مالذي حدث وغيرة . اقسم انني لا ابالغ اذا نعته بالشيطان . حركاتة غير طبيعية . وخصوصا في الاجازات يصيير عصبي بشكل موطبيعي . اذا جلسنا كلنا سوى هوه بيقوم . واذا كان لحالو يقول((أنا مخلفكو عالفاضي)) بدأت اشعر انة مسحوور .. مع انه يصلي ويداوم على الصيام في رمضان وبس نساافر ونخرج برا البلد يصير انسان تاني ينقلب 180 درجة يصير طيب وحنون وبيضحك معانا . واول مانرقع البلد سبحان الله يرجع على حالتو حاولت استشير أحد كبير يحل المشكلة بسس هو انزعج .. خليت خالي يدخل ويكلمو بس ياريت ماكلمو لأن صارت مشاكل كثيرة انا تعبت اووووووي خلاص مش عارفة اعمل اييه كل يوووم خنااق ومشاااكل..هل ابي مسحوور أم ماذا؟؟؟؟؟؟؟؟؟؟؟؟
11111
سجل الزوار
زوارنا
